Klimkin: Pa kthimin e Krimesë nuk ka normalizim në marrëdhëniet midis Ukrainës dhe të RusisëTokio, 3 mars 2015 (MIA) - Derisa Krimeja, e cila tani është nën kontrollin e Moskës, nuk kthehet nën juridiksion të Kievit, nuk do të ketë normalizim të marrëdhënieve midis Rusisë dhe Ukrainës, deklaroi ministri ukrainas i Punëve të Jashtme Paulo Klimkin, i cili po qëndron për vizitë dyditore në Japoni, transmetuan mediat britanike.
"Nuk mund të ketë aspak normalizim të marrëdhënieve midis Ukrainës dhe Rusisë pa kthimin e gjendjes së status kuosë dhe konfirmimit të tërë sovranitetit ukrainas ndaj Krimesë", tha Klimkin nga Tokio.
Rusia para pothuajse një viti ka kryer aneksion në Krime.
"Kushti i vetëm paraprak për çfarëdo tejkalimi efikas dhe përfundimtar të konfliktit, është mbyllja e tërësishme e kufirit midis Ukrainës dhe Rusisë", tha Klimkin. "Sepse gjithçka që e destabilizon situatën në rajonin e Donjeckut dhe Luganit - paratë, armët, mercenarët, mjetet e rënda dhe kuptohet ushtarët kryengritës rusë - vijnë përmes kufirit ruso-ukrainas", shtoi diplomati i parë ukrainas.
Klimkin nënvizoi se Kievi dëshiron tejkalim të qetë të konfliktit, por paralajmëroi se Ukraina do t'i përdorë të gjitha mjetet për t'i mbrojtur integritetin dhe sovranitetin territorial.
|