"Tajms": Franca duhet të paguaj dëmshpërblim për Rusinë nëse ndërpritet marrëveshja për anijet "Mistral"Londër, 24 prill 2015 (MIA) - Franca do të duhet t'i kthejë Rusisë 1.5 miliardë dollarë në rast të ndërprerjes së marrëveshjes për dërgesën e dy anijeve bartëse të helikopterëve - "Mistral", shkruan sot gazeta londineze "Tajms".
Presidenti i Francës, Fransoa Oland të mërkurën deklaroi se tani për tani dërgesa e dy anijeve për Rusinë është e pamundshme, ndërsa gjatë takimit me kolegun rus Vlladimir Putin në Erevan do të shqyrtohen "të gjitha aspektet" e marrëveshjes së ngrirë.
Marrëveshja për prodhimin e dy anijeve desante me vlerë të përgjithshme prej 1.12 miliardë eurove u nënshkrua në qershor të vitit 2011. Njëra nga dy anijet veç është prodhuar, por vitin e kaluar Parisi e ndërpreu dërgesën për shkak të involvimit ushtarak të Moskës në Ukrainë.
|