Gjarpri me dy koka në një fermë të Kinës (Video)Një gjarpër me dy kokë ka "mbirë" në një fermë në Kinë. Zvarraniku ka 10 ditë që ka dalë në dritë në Yulin dhe fermeri e ka çuar këtë gjarpër në kopshtin zoologjik më të afërt.
Shihet qartë se secila nga kokat ka një tru të vetin dhe shpesh marrin drejtime të ndryshme.
Li Keçi, nga kopshti zoologjik Nunning, siç transmeton shkrimin Alsat-M, thotë se zvarraniku mund edhe të ngordhë për shkak se nuk ka ngrënë dhe nuk ka pirë.
"Nuk e dimë sa do të qëndrojë gjallë, pasi ka dy ditë te ne dhe nuk ka ngrënë, as ka pirë", tha Li Keçi, punonjëse në Kopshtin zoologjik Nunning.
Në të kaluarën, është raportuar për gjarpërinj me dy kokë, ku secila nga kokat është munduar të hajë tjetrën.
|