Sonia Davies, 53 vjeçe kishte marrë lajmin e gëzuar se kishte mundur të fitonte betejën me sëmundjen e rëndë të kancerit. Me këtë rast, ajo i kishte kërkuar të bijës të blinte një biletë llotarie, pasi kishte mundur t’ia hidhte vdekjes me një ndërhyrje kirurgjikale që i kishte shpëtuar jetën.
Pikërisht, bileta e blerë rezultoi fituese e lotarisë EuroMillions, me 61 mln funta. Vajza e saj, Stephanie e bleu biletën e lotarisë pas telefonatës së marrë nga nëna e saj, e cila ndodhej në Florida, ku i ishte nënshtruar një ndërhyrjeje kirurgjikale për heqjen e tumorit, transmeton Shqip.
"Ndërhyrjen e kisha kryer një javë më parë. Atë ditë ndihesha vërtetë shumë mirë. Nuk kisha dhimbje. Ndieja sikur e kisha mashtruar vdekjen. Ndihesha me shumë fat. Kështu që mendova; pse të mos blejmë një biletë llotarie kur jemi kaq fatlumë", rrëfen 53-vjeçarja.