Një banor i Alepos nuk dëshiron të ikë nga lufta në mënyrë që të mos i braktisë macet endacake (video)Vendi më i rrezikshëm në botë sot,me siguri është qyteti sirian Alepo, prej nga ikën shumica në vlugun e luftës.
Por, një banor lokal i Alepos megjithatë nuk dëshiron ta braktisë qytetin, në mënyrë që të mund të kujdeset për njëqind macet endacake.
Mohamed Ala Xhalel, i cili është i njohur si "maceruajtësi nga Alepo", në vitin 2011 e themeloi strehimoren e parë ku i vendosi 20 macet e para endacake. Sot, siç lajmëroi BBC, numri i tyre është pesë herë më i madh.
"Kujdesemi për secilën mace, të cilën pronarët e kanë braktisur apo e cila më parë ka jetuar në rrugë", deklaroi ai. "Meqenëse të gjithë e braktisën vendin, përfshirë edhe miqtë e mi, macet u bënë miket e mia. Disa m'i kanë lënë njerëzit, sepse e dinë se i dua macet", pohon Xhalel.
Ai shtoi se asnjëherë nuk do t'i braktisë kafshët. Më parë ka qenë elektricist, ndërsa sot vozitë automjetin e Ndihmës së Shpejtë.
"Ai që ka mëshirë ndaj njerëzve, ka mëshirë edhe ndaj çdo krijese të gjallë", thotë Xhalel.
|