Dubai, 9 tetor 2017 (MIA) - Në lagjen banesore bregdetare në Dubai, filloi me punë smart stacioni i parë policor në botë. Ai shtrihet në rreth 120 metra katrorë dhe është i ndarë në tre sektorë - salla e pritjes, pjesa ekspozuese dhe sektori për shërbime.
Pasi që do të hyjnë në stacionin e parë policor "të mençur", qytetarët tërheqin numër, ndërkaq derisa presin, mund të luajnë lojë, e cila i mëson për vozitje të kujdesshme. Në sektorin për shërbime, me shtypjen e tabelës elektronike fillojnë bisedë me policë, të cilët janë onllajn 24 orë, por punojnë nga shtëpia.
Serviset janë në gjashtë gjuhë dhe ofrojnë 60 lloje të shërbimeve, përfshirë pagesë të dënimeve në komunikacion, marrjen e vërtetimeve, paraqitjen e incidenteve apo fatkeqësive rrugore. Përveç kësaj, banorët e asaj pjese të Dubait, mund të paraqesin gjësende të humbura dhe të gjetura.