Londër, 30 nëntor 2017 (MIA) - Për shkak të erupsioneve më të shpeshta, vullkanet paraqesin kërcënim shumë më të madh për njerëzimin sesa që ishte menduar paraprakisht, paralajmërojnë shkencëtarët britanikë.
Hulumtuesit në Universitetin e Bristol e kanë analizuar aktivitetin vullkanik gjatë 100.000 viteve të fundit dhe kanë hartuar një kronologji të super erupsioneve, të cilat mund të prodhojnë rreth 1.000 gjigantë llavë.
Vullkani Jellouston në Vajoming në SHBA është shënuar si super-vullkan, erupsioni i të cilit mund ta ndryshojë krejtësisht klimën ekzistuese të Tokës.
Në studim theksohet se erupsionet katastrofale ndodhin çdo 17.000 vjet.
"Në analizën paraprake nga viti 2004, shkruhej se erupsione të tilla ndodhin në çdo 45.000 vjet ose më shumë. Tani ka ndryshuar shumë", theksoi njëri nga studiuesit, Jonathan Roger.
Dy super-erupsionet e fundit ishin para 30.000 dhe para 20,000 viteve.
Që në vitin 2014, shkencëtarët amerikanë paralajmëruan se vullkani në Jellouston "kllokote", ndërsa në rast të erupsionit të tij, qytetet në radius prej rreth 500 kilometra do të mbuloheshin me hirin prej 30 deri në 40 centimetra.