Uashington, 3 janar 2018 (MIA) - Ekspertët paralajmërojnë se gjatë 40 viteve të ardhshme bota do të mbetet pa çokollatë, meqë bimës kakao i kanoset zhdukje gjatë kushteve kohore gjithnjë e më të ngrohta.
Kakao zhvillohet vetëm në rajonet 20 gradë në veri dhe jug të Ekuatorit, ndërsa që të ekzistojë i nevojiten kushte të posaçme - lagështi e mjaftueshme dhe reshje shiu.
Megjithatë, ngrohja globale dhe rritja e temperaturave për 2,1 gradë Celsius mundet që në 30 vitet e ardhshme edhe ta shkatërrojë bimën, ndërsa me këtë edhe industrinë e çokollatës, njoftoi Administrata kombëtare amerikane për oqeane dhe atmosferë.
Siç temperatura do ta thajë tokën, kultivuesit e kakaos do të duhet që plantacionet e tyre t'i zhvendosin në sipërfaqe më të mëdha.
Një banor mesatar i perëndimit në vit ha 286 çokollatë. Nga vitet e 90-ta të shekullit të kaluar edhe Kina, Indonezia, India, Brazili dhe Federata Ruse, gjithashtu u inkuadruan në tregun me kakaon.
Furnizimi megjithatë nuk shkon në hap me kërkesën e rritur, ndërsa besohet edhe se mënyra e kultivimit të vetë bimës është problem, për shkak se është ndryshuar gjatë disa shekujve të fundit.