Moskë, 12 mars 2018 (MIA) - Presidenti rus Vlladimir Putin në intervistën për nevojat e filmit dokumentar "Putin" të Andrej Kondrashov, zbulon se herë pas here, kancelarja gjermane Angela Merkel ia dërgon birrën e tij të preferuar gjermane.
Derisa ka qenë agjent i KGB-së në Dresden, në vitet 1980, shpesh ka qëndruar në birrarinë lokale.
"Angela kohë pas kohe më dërgon nga disa shishe nga birra Radeberger", thotë Putin në intervistën e publikuar në rrjetet sociale ruse sot, disa ditë para mbajtjes së zgjedhjeve presidenciale në Rusi.
Në filmin dyorësh paraqiten edhe persona të tjerë zyrtarë rusë, si dhe ish-kancelari gjerman Gerhard Shreder i cili shquhet si mik mjaft i afërt i Putinit.