Singapor, 19 mars 2018 (MIA) - Për shkak të shpenzimeve të mëdha për pronarët e automobilave, Singapori pesë vite me radhë e konfirmoi statusin e saj të qytetit më të shtrenjtë në botë, tregoi hulumtimi i Ekonomist Intelixhens Junit (EIU).
Autoritetet e metropolit financiar aziatik përcaktojnë çmime jashtëzakonisht të larta për përdorim të automjeteve me qëllim që ta zvogëlojnë ndotjen dhe rrëmujën e komunikacionit. Vetëm leja për posedim të automobilit kushton 30.000 dollarë amerikanë, ndërsa madje një automobil i thjeshtë i udhëtarëve mund të kushtojë në mesatare 75.000 dollarë.
Vendin e dytë e ndajnë Parisi dhe Cyrihu, ndërsa i katërti është Hong-Kongu. Oslo është qyteti i pestë më i shtrenjtë, në vendin e gjashtë dhe të shtatë - Seuli dhe Gjeneva, në të tetin - Kopenhaga, ndërsa të nëntin dhe të dhjetin i ndajnë Tel Avivi dhe Sidnei.
Tokio dhe Nju-Jorku pas një periudhe më të gjatë nuk ishin në mesin e dhjetë qyteteve më të shtrenjta.
Qytetet aziatike zakonisht janë më të shtrenjta për jetesë sa i përket ushqimit, ndërsa qytetet evropiane - sa u përket shpenzimeve shtëpiake, mjeteve për higjienë, rekreacion dhe zbavitje, thuhet në hulumtim.
Midis qyteteve më të lira madje, janë Damasku Karakasi, Lagosi dhe Karaçi.