Uashington, 4 maj 2018 (MIA) - Shkalla e papunësisë në prill në SHBA ra në 3,9 për qind, që është shkalla më e ulët në 17,5 vitet e fundit.
Sipas Sekretariatit të Punës, në prill janë hapur 164.000 vende të reja të punës jashtë sektorit bujqësor, përderisa revizioni i të dhënave nga marsi tregoi se janë hapur 135.000 vende të reja të punës, në vend të 103.000 të llogaritura paraprakisht.
Megjithatë kjo është larg rezultatit në shkurt, kur në SHBA janë hapur 324.000 vende të reja të punës. Por, për shkak të zvogëlimit të numrit të popullatës aktive, shkalla e papunësisë ra në nivel të ulët rekord edhe krahas këtij ngadalësimi në hapjen e vendeve të reja të punës.