Nju-Jork, 31 gusht 2018 (MIA) - Policisë së Nju-Jorkut i është dashur ta bllokojë një pjesë të qendrës së qytetit, pasi që morën lajmërim se një stendë për shitjen e hot-dogut është vërshuar nga një zgjua i madh bletësh.
Siç kumtuan mediumet amerikane, rreth 20.000 bletë përnjëherë iu vërsulën stendës, ndërsa pamja e jashtëzakonshme e tërhoqi vëmendjen e shumë kalimtarëve dhe turistëve në Tajms skuer.
Pasi që policia bllokoi një pjesë të hapësirës përreth, një polic i veshur me uniformë speciale mbrojtëse, me ndihmën e pajisjes adekuate, për një orë i zuri të gjitha bletët.
Më pas, me kontejner të posaçëm bletët u dërguan në një shtëpi të re në Llong Ajllend.