Kembrixh, 7 prill 2022 (MIA) - Fletoret e shkencëtarit anglez Charles Darwin, të cilat ishin vjedhur në vitin 2001, tani janë kthyer në mënyrë anonime në Bibliotekën e Universitetit të Kembrixhit, shkruan Daily Mail.
Dorëshkrimet në të cilat shkencëtari i famshëm shpjegon teorinë e evolucionit dhe origjinën e jetës u zhdukën 21 vjet më parë. Fillimisht, stafi i bibliotekës supozoi se ishin në raftin e gabuar, kështu që ata kontrolluan të gjithë bibliotekën, e cila përmbante rreth 10 milionë libra, harta dhe dorëshkrime… Por fletoret që mungonin nuk u gjetën.
Në tetor 2020, Policia e Kembrixhit u njoftua për fletoret e munguara. Nga aty ka nisur hetimi, ndaj është raportuar në Interpol.
Një vit e gjysmë më vonë, shënimet, të cilat përmbanin gjithashtu vizatimin e famshëm të Darvinit nga viti 1837, Pema e Jetës, janë tashmë në vend. Ata u lanë në dysheme përpara zyrës së bibliotekares Jessica Gardner - në një vend të padukshëm për vëzhgimin me video.
Fletoret ishin në një çantë rozë. Një shënim i ishte bashkangjitur ku thuhej - "Për bibliotekaren - Gëzuar Pashkët. Х “.
Më herët, mediat britanike raportuan se një lexues anonim kishte kthyer një libër në latinisht në bibliotekën e University College London pas 48 vitesh.
“I dashur bibliotekar, fatkeqësisht ky rikthim është 50 vjet me vonesë! Megjithatë, mos e hidhni librin, pasi kam marrë kohë dhe mund për ta kthyer. "Kjo është ndoshta tashmë një gjë e rrallë bibliografike," thuhej në shënim.
Policia po vazhdon të hetojë zhdukjen e dorëshkrimeve të Darvinit.