Nju Delhi, 7 prill 2022 (MIA) - Një mësuese indiane ka abuzuar seksualisht me tre nxënës 16-vjeçarë nga shkolla ku ka punuar dhe ka përfunduar në burg, raportojnë mediat lokale.
Një njësi e krimit kibernetik në shtetin jugor të Indisë, Tamil Nadu, ka nisur një hetim ndaj një gruaje 42-vjeçare pasi një video e orgjisë u shfaq në internet. Policia ka konstatuar se regjistrimi është bërë nga partneri i saj. Burri tashmë ka pranuar se videon e ka regjistruar dhe e ka shpërndarë mes të njohurve të tij. Gjithashtu po hetohet nëse videoja është publikuar në pornografi me pagesë.
Vetë nxënësit ngritën kallëzim ndaj mësueses dhe partnerit të saj. Ata pretendojnë se çifti ka tentuar t'i frikësojë që të mos flasin për atë që ka ndodhur.
Mësuesja dhe i dashuri i saj akuzohen për abuzim me të miturit, kërcënime dhe shpërndarje të përmbajtjeve të turpshme.
Më herët në mbarë botën u përhap lajmi se një mësuese britanike ishte arrestuar pasi kishte kryer marrëdhënie seksuale me një nxënëse 15-vjeçare. Nicole Park, 42 vjeç, u dënua me 27 muaj burg.