Vjenë, 25 maj 2022 (MIA) - Një vajzë 18-vjeçare nga Austria mund të përfundojë në burg për mashtrim në provimin e diplomimit në degën ekonomike, raportojnë mediat e huaja.
Ajo dha provimin e saj të diplomimit në një shkollë në Deutschberg më 9 maj, duke marrë me vete dy celularë dhe kufje. Pasi ka bërë foto, ajo ua ka dërguar të afërmve të saj, dhe përmes kufjeve ka marrë përgjigjet e sakta.
Një mësuese e vuri re sjelljen e saj dhe bëri një ankesë. Vajzës i është dhënë mundësia të bëjë sërish provimin në vjeshtë, por do të përballet edhe me pasoja penale.
Drejtoria e shkollës është dashur ta denoncojë rastin në Prokurori, ku është vendosur që të inicohet procedura, pasi provimi i maturës është dokument publik dhe dënohet nëse personi e merr atë me mashtrim.
Nëse Prokuroria nis një procedurë, vajza në rastin më të mirë mund të gjobitet. Në rastin më të keq do të përfundojë në një vit burg.