Uashington, 7 gusht 2022 (MIA) – Ora e ish-liderit nazist Adolf Hitler është shitur në një ankand në shtetin amerikan të Merilendit për 1.1 milionë dollarë.
Alexander Historical Auctions me qendër në Chesapeake City, Maryland e ka vlerësuar orën midis 2 dhe 4 milionë dollarë, duke thënë se është një "mbetje e Luftës së Dytë Botërore me përmasa historike".
Udhëheqësit hebrenj e kundërshtuan shitjen, duke deklaruar se ora kishte pak ose aspak vlerë historike.
Presidenti i shtëpisë së ankandeve Bill Panagopoulos tha se blerësi ishte hebre nga Evropa.
Ora përmban inicialet "A" dhe "X" si dhe një svastika.
Ora u mor si një plaçkë lufte nga një ushtar francez më 4 maj 1945, kur njësia e tij hyri në kasollen "Berghof" të Hitlerit në Alpet bavareze, afër Berchtesgaden.
Hitleri kreu vetëvrasje në Berlin më 30 prill 1945.