WELLINGTON, 18 nëntor 2022 (MIA) – Faqja më e madhe e blerjeve online në Zelandën e Re ka kërkuar falje pasi promovoi librin autobiografik të Adolf Hitlerit Mein Kampf si një ide “perfekte” për dhuratat e Krishtlindjeve.
Libri u përfshi në një reklamë në faqen e Trade Me në Instagram, e cila përmbante disa dhurata, duke përfshirë këtë "manifest" të stilit nazist nga viti 1925, shkruar nga Adolf Hitler. Në libër ai shpreh me hollësi pikëpamjet, idetë dhe synimet e tij politike për të ardhmen e Gjermanisë, duke shkruar për epërsinë e “racës ariane” dhe shfarosjen e popullsisë hebreje.
"'Lufta ime'." Gjeni dhuratën perfekte dhe jepuni atyre atë që duan vërtet këtë Krishtlindje!”, thuhet në reklamën e fshirë tashmë.
Zëdhënësja e Trade Me Sally Feinson tha për The Spinoff se reklama ishte shkaktuar nga një gabim algoritmik.
– Është e padurueshme të shohësh dikë të ketë një përvojë të keqe me ne dhe na vjen shumë keq që kjo ndodhi. Për këtë lloj reklamash, ekipi ynë krijon një shabllon marketingu dhe reklamat tërhiqen automatikisht përmes një algoritmi. Nuk e zgjodhëm konkretisht këtë libër për t'u shfaqur në këtë reklamë, theksoi ajo.
Sipas rregulloreve, librat me materiale naziste ose të lidhura me Holokaustin mund të shiten vetëm në sit me një kontekst historik të spikatur. Nuk është e paligjshme mbajtja dhe shpërndarja e materialeve të tilla në Zelandën e Re.
Trade Me vizitohet 1.9 milion herë çdo ditë nga mesatarisht 650,000 Zelandazë të Re, me më shumë se 9 milion listime në çdo kohë.