Dubai, 3 janar 2023 (MIA) – Ndoshta qyteti më i famshëm në Emiratet e Bashkuara Arabe, Dubai ka ulur taksën për alkoolin me 30 për qind në përpjekje për të nxitur turizmin.
Në Dubai, rregulloret janë zbutur prej disa kohësh dhe është e mundur të blini alkool çdo ditë dhe gjatë agjërimit të Ramazanit, si dhe lejohet dorëzimi. Do të ndërpritet edhe dhënia e lejeve individuale për pirjen e alkoolit, të cilat deri më tani banorët vendas duhet t'i kishin për të pirë në shtëpi. Lëvizja e fundit interpretohet si një përpjekje e qytetit për të qenë edhe më tërheqës për të huajt, në mënyrë që të konkurrojë me fqinjët.
Dy kompanitë që janë distributore të alkoolit në Dubai, “Maritime and Mercantile International” (MMI) dhe “African and Eastern” kanë bërë të ditur se ulja e taksave do të prekë edhe klientët e tyre.
– Që kur filluam punën në Dubai 100 vjet më parë, qasja e emiratit ka mbetur dinamike, e ndjeshme dhe gjithëpërfshirëse për të gjithë! Ndryshimet e reja në ligj janë një mjet për konsum të sigurt dhe të përgjegjshëm të pijeve alkoolike në Dubai dhe Emiratet e Bashkuara Arabe, tha përfaqësuesi i MMI, Tyrone Reid.
Nuk dihet nëse vendimi i cili ka hyrë në fuqi dje, do të jetë i përhershëm.
Banorët jomuslimanë të Dubait duhet të jenë të paktën 21 vjeç për të pirë, transportuar ose poseduar alkool në shtëpi dhe duhet të kenë një leje për ta bërë këtë - një kartë plastike të lëshuar nga policia. Në Dubai, i njohur si "Kryeqyteti i Partive" të Gjirit Persik, të huajt janë më shumë se vendasit me nëntë me një.