Tiranë, 31 dhjetor 2012 (MIA) - Pritja e Vitit të Ri është një nga festimet më të vjetra në botë.
Për herë të parë është kremtuar në Babiloni para 4000 viteve dhe që atëherë shumë tradita kanë ndryshuar, ndërsa njerëzit në botë e festojnë në mënyra të ndryshme.
Sipas autorëve antik, festimi ka prejardhjen nga festimi i lindjes së diellit dhe në botë si janë ndryshuar sistemet religjioze, ashtu kanë ndryshuar kalendarët dhe mënyra e llogaritjes së kohës.
Në Romën e lashtë, viti i ri kishte filluar më 1 mars, ndërsa në Bizanti më 1 shtator. Një janari është llogaritur si dita kur në Romë kanë marrë detyrat konsujt dhe atëherë janë ndarë dhurata të ndryshme mes tyre.
Pritja e vitit të Ri në Japoni zgjatë tërë ditën, që herët në mëngjes kur pastrohet shtëpia nga “pluhuri i të kaluarës” dhe përgatitja e shtëpisë për një vit të suksesshëm.
Në Brazil ka një traditë kur në festën e Vitit të ri, mbahet veshje e bardhë, në shenjë të lumturisë, qetësisë në vitin që po vjen.
Britanikët besojnë se nëse mysafiri i parë që do të hyjë në shtëpi është mashkull me dhurata, atëherë ajo donë të thotë vit i gëzuar, ndërsa nëse vjen grua për mysafir, kjo nuk është një shenjë e mirë.
Në Kinë të gjitha dyert janë të zbukuruara me detaje të kuqe, pasi ngjyra e kuqe është simbol i gëzimit dhe lumturisë. Disa ditë para pritjes, kinezët e pastrojnë shtëpinë që ta largojnë fatkeqësinë, ndërsa dritaret dhe dyert i zbukurojnë me dekorime nga letra, të cilat janë simbol i lumturisë, pasurisë, jetë gjatësisë dhe martesës së lumtur me shumë fëmijë.