Shqipëria ka mbetur jashtë finales së Eurovizion këtë vit. Bledar Sejko dhe Adrian Lulgjuraj ndezën sallën e "Malmo Arena" në Suedi me këngën "Identitet", por nuk u kualifikuan.
Ata interpretuan të 14-ët, ndërsa flamuj të shumë vendeve valëviteshin nën ritmin e muzikës shqip.
Në finale mbrëmjen e djeshme shkuan: Hungaria, Azerbajxhani, Gjeorgjia, Rumania, Norvegjia, Islanda, Armenia, Finlanda, Malta dhe Greqia, ndërsa nga gjysmëfinalja e parë: Moldavia, Lituania, Irlanda, Estonia, Bjellorusia, Danimarka, Rusia, Belgjika, Ukraina dhe Holanda.