Vajza 11 vjeçare shkon në altar para kohe

Londër, 3 prill 2014 (MIA) - Vajza 11-vjeçare që shikoni në foto e ka ëndërr që babai i saj ta përcjellë në altar, ditën e martesës së saj. Por, duke qenë se kjo dëshirë nuk mund të realizohet në kohën që duhet, vajza ka preferuar që babai i saj ta përcjellë në altar "përpara kohe".

Babai i Josie Zetz është diagnostifikuar me sëmundje të rëndë, me kancer, ndaj dhe nuk mund të jetë shoqëruesi i vajzës së tij ditën e martesës. Por duke qenë se vajza nuk do ta humbasë një moment të tillë, ka vendosur që të veshë fustanin e nusërisë që në moshën 11-vjeçare dhe të shkojë në altar me babanë e saj.

Të gjithë këtë e ka bërë vetëm që ta filmojë dhe ta ketë videon si kujtim, kur babai i saj të mos jetojë më dhe kur ajo të martohet në të vërtetë.