Stomatologët në një spital në Byculli të Indisë kanë nxjerrë numër "rekord" prej 232 dhëmbësh nga një i ri, i cili ishte ankuar për dhimbje në zgavrën e gojës.
17-vjeçari Ashik Gavai u kishte thënë mjekëve se kishte probleme me gëlltitjen dhe se kishte dhimbje në gojë.
Pas kontrollit, mjekët e kanë zbuluar se ai vuante nga një lloj i rrallë i anomalisë së shpërndarjes së dhëmbëve, prandaj ia kanë këshilluar ndërhyrjen kirurgjike. Operacioni ka zgjatur mbi shtatë orë, ndërsa stomatologët janë befasuar edhe vet me numrin e dhëmbëve që kanë nxjerrë.
"Filluam të nxirrnim dhëmbët më të vegjël, pastaj më të mëdhenjtë... Në fund të operacionit u shokuam, sepse kur i numëruam ishin 232 dhëmbë", ka thënë mjekja Sunanda Dhivare Palwunkar, e cila e realizoi operacionin.