Tery Taferson nga Australia, është vetëm një nga shumë njerëz të cilët kanë vendosur të bëjnë një foto “selfie”. Por për dallim, ai ka vendosur që kësaj radhe të bëjë një “selfie ekstreme”.
Në fakt, duke shëtitur përgjatë shkretëtirës, ai ka hasur një uragan që po i afrohej jashtëzakonisht shpejt, por në vend që të largohet, djaloshi me anë të telefonit të tij vendosi të bëj ca fotografi para vorbullës ajrore. Më pastaj, ai me makinën shkoi drejt "djallit të shkretëtirës", transmeton Telegrafi.
Edhe ky veprim mund të përfundonte tragjikisht, si ai i çiftit polak, i cili dhjetë ditë më parë, u mbyt në Portugali duke bërë fotografi “selfie” në shkëmbinj të rrezikshëm.
Vlen të theksohet se New York-u kohët e fundit i ka ndaluar disa lloje të fotove “selfie” për shkak të rrezikut të lartë, në veçanti ato që përpiqen të bëhen në kopshte zoologjike.