Shumë fëmijë ëndërrojnë që një ditë të kenë ponin e vet, por Thumbelina lë në hije edhe kuajt më të bukur të racës në botë.
Kjo pelë e rrallë ka lindur më një maj të vitit 2001, nga prindër kuaj miniaturalë. Aktualisht Thumbelina jeton në një fermën në St. Luis në Missouri, ku për të kujdeset familja Goessling.
Thumbelina është e lartë vetëm 45 centimetra dhe e rëndë 25 kilogramësh, për ç’arsye është shpallur për kalin më të vogël në botë, kurse më 2006 po për këtë arsye është përfshirë në Librin e rekordeve të Guinness.
Thumbelina ka lindur me një sëmundje të rrallë ndër kuaj, Dwarfism. Meqë ka problem me ecje, janë detyruar t’i bëjnë thundra të veçanta që të mund të vrapojë e të luaj më lehtë. Ajo është një kalë që adhuron mollët dhe karotat.
Po ashtu është shumë human. Ajo bashkë me pronarët e saj ka vizituar qindra spitale dhe klinika fëmijësh në gjithë Amerikën, në të cilat fëmijët e sëmurë kanë pasur rastin të luajnë me të dhe ta përkëdhelin. Njerëzit e adhurojnë Thumbelinan meqë nxit buzëqeshjen kudo që shfaqet.