Japonezët krijojnë qepën "pa erë e pa lot"Një firmë japoneze ka bërë me dije se ka zhvilluar qepët që nuk ju bëjnë të qani e të cilat kanë përmbajtje të vogël të enzimës përgjegjëse për shkaktimin e lotëve në sytë e atij që përgatit ushqim me qepë.
"House Foods Group" – që fitoi çmimin Nobel Ig më 2013 për identifikimin e procesit që shkakton lagien e syve gjatë prerjes së qepës – ka bërë me dije se ka zbuluar qepët që kanë sasi jashtëzakonisht të vogla të enzimës që i shkakton lotët, transmeton Koha.net.
Kompania ka thënë se “qepët e reja” kanë edhe dallime tjera në krahasim me qepët tradicionale pasi që nuk i japin erë dorës apo gojës së personit që copëton apo i han ato.
"Jo vetëm se ul sasinë e lotëve, por do t’ju sjell edhe më shumë buzëqeshe" ka thënë kompania."
“House Foods" nuk ka bërë me dije nëse këto qepë do të jenë në dispozicion komercial.
|