72.bmp)
Kladjona Ramadani, 6 vjeçare nga Prishtina, sërish e rëndit Kosovën në vendin e parë në garën ndërkombëtare “Festival Model&Talent World” të mbajtur më datën 26.04.2015 në Antalya të Turqisë.
Në këtë ngjarje, pjesëmarrëse ishin shumë shtete të botës, e ndër to edhe Kosova.
Kladjona, e cila më 14 mars të këtij viti fitoi çmimin e parë "Little Miss Galaxy 2015" në garën ndërkombëtare për modën për fëmijë që u zhvillua në Bansko të Bullgarisë, edhe kësaj radhe u shpërblye me vendin e parë duke rrëmbyer çmimin "Grand Prix Supreme".
Lajmin për Koha.net e ka konfirmuar e ëma e saj, e cila tha se përveç këtij çmimi, Kladjona në Kosovë solli edhe çmimin e Talentit.