KE-ja nuk mohon se po përgatit Përfaqësues special për Maqedoninë

Bruksel, 26 maj 2015 (MIA) - Komisioni Evropian nuk mohon se përmes Shërbimit evropian për punë të jashtme (EEAC) të Federika Mogerinit përgatit të dërgojë Përfaqësues special të Bashkimit Evropian për Republikën e Maqedonisë, i cili do të ketë mandat të ndërmjetësojë në zgjidhjen e krizës politike dhe parandalimin nga krijimi i krizës së sigurisë pas ngjarjeve në Kumanovë, lajmëroi korrespondenti i MIA-s nga Brukseli.

Zëdhënësja e Komisionit Evropian, Maja Kocijançiç, në konferencën e sotme për shtyp në ndërtesën e Qeverisë joformale të Unionit, nuk deshi të konfirmojë, por nuk e mohoi shkrimin e MIA-s nga java e kaluar, se Brukseli po përgatit Përfaqësues special, siç ishte në fillim të këtij mileniumi në Maqedoni, sekretari i tanishëm i përgjithshëm i EEAC-s, Alen Le Roa.

"Jo, nuk mund ta konfirmoj këtë në këtë fazë. Por, e dini çfarë është pozita e BE-së në përgjithësi në lidhje me situatën në Maqedoni. E dini se ka ndërmjetësim që zhvillohet nga anëtarët e Parlamentit Evropian, ku gjithashtu ka prani edhe të eurokomisarit për negociata për zgjerim Johanes Han. Pozita jonë në këtë rast mbetet siç tani më është theksuar", u përgjigj e paqartë zëdhënësja Kocijançiç.

Duke e pas parasysh kohën e shkurtë deri në zgjedhjen e Përfaqësuesit special, negociatat e sotme pushtet-opozitë në Maqedoni i ndërmjetëson ambasadorin e BE-së në Shkup Aivo Orav, si dhe ambasadorin amerikan Xhes Bejli. Megjithatë, për raundet e ardhshme planifikohet prania edhe e Përfaqësuesit special detyra e të cilit do të jetë që t'i bindë partitë politike në vend për ta kthyer Maqedoninë në rrugën integruese euroatlantike.