Përfundoi takimi i liderëve, Gruevski dhe Zaev informuan për bisedat në Strasburg

Shkup, 26 maj 2015 (MIA) - Në Klubin e deputetëve në Shkup përfundoi takimi dyorësh i liderëve të katër partive më të mëdha në Maqedoni, Nikolla Gruebski nga VMRO-DPMNE-ja, Ali Ahmeti nga BDI-ja, Zoran Zaev nga LSDM-ja dhe Menduh Thaçi nga PDSH-ja, për gjetjen e zgjidhjes për dalje nga kriza politike në vend.

Në takimin e sotëm, ku si vëzhgues morën pjesë ambasadorët e SHBA-së dhe BE-së, Xhes Bejli dhe Aivo Orav, Gruevski dhe Zaevi i informuan Ahmetin dhe Thaçin për bisedat e javës së kaluar në Strasburg, ku ndërmjetësuan eurodeputetët Ivo Vajgël, Eduard Kukan, Riçard Hovit dhe eurokomisari Johanes Han.

 Hollësira tjera nga bisedat e sotme nuk janë kumtuar. U paralajmërua takim i i ri i liderëve në fillim të javës së ardhshme, por nuk precizohet koha e saktë.