Në suaza të manifestimit "Vera e Shkupit 2015" sonte në Stacionin e vogël do të hapet ekspozita "Nëna e madhe dhe dragoi", në Suli an do të mbahet Festival i filmave dokumentarë muzikorë, ndërsa në Muzeun e Qytetit të Shkupit koncert i ansamblit për muzikë moderne "Sonoris".
Ekspozita e stolive dhe tantellave "Nëna e madhe dhe dragoi" është e Biljana Klekaçoska - disajnere nga Maqedonia e stolive e cila me qasje moderne autoriale krijon në teknikën e filigranit dhe Tina Koder Grajzar - disajnere sllovene e cila në mënyrë autoriale krijon tantella .
Si medium themelor dhe fushë të shprehjes që të dy disajneret zgjedhin teknika të vjetra artizanale, të lidhura organisht me mjedisin, rajonin nga i cili vijnë. Si pikë fillestare të projektit të përbashkët ato zgjedhin nga një simbol nga vendet në të cilat jetojnë dhe krijojnë "Nëna e madhe hyjneshë" nga Shkupi dhe "Dragoi i Lubjanës".
Në muzeun e qytetit të Shkupit koncert do të mbajë ansambli për muzikë moderne "Sonoris". Do të performojnë Lejla Bqiri - flautë, Shkelzen Baftiari - piano, Marijan Milloshovski - fagot, Igor Bakrevski klarinetë dhe Marijana Naumovska - soprano.
Ansambli për muzikë moderne "Sonoris" është themeluar nga kompozitori dhe drejtori artistik - Vullnet Tairi në vitin 2007 në Gostivar. Ansambli është i përbërë prej muzikantëve nga spektri më i gjerë edhe atë: kompozitorë, instrumentalistë, solo këngëtarë, si dhe pedagogë, të cilët janë profesionalizuar në fushën e muzikës moderne.
Në Fakultetin për art figurativ - Suli an, sonte do të mbahet Festivali i filmave dokumentarë muzikorë.
Do të shfaqen filmat "Shtëpia e të rinjve" - Shtip/Maqedoni me regji të Tanja Simonovska, "Dita të jetë e gëzuar" me regji të Lubica Popovskës dhe "Unë jam andergraund" në regji të Mitko Trajanovskit dhe Aleksandar Manevit.