Todorov: Mjekët më të ndërgjegjshëm për sistemin "Termini im" në krahasim me vitin e kaluarShkup, 2 korrik 2015 (MIA) - Me të dhënat e sistemit "Termini im" kemi detektuar mjekë të cilët tre apo më shumë se tri herë gjatë një muaji janë vonuar më shumë se një orë në kontrollin e parë të caktuar. Publikisht u obliguam se vazhdimisht do ta ndjekim gjendjen, do ta njoftojmë opinionin për këtë dukuri dhe do të kërkojmë prej drejtorëve të ndërmarrin masa deri në anulimin e plotë të kësaj dukurie.
Këtë në konferencën e sotme për shtyp e theksoi ministri i Shëndetësisë, Nikolla Todorov. Numri i mjekëve të cilët nuk i kanë respektuar terminet e caktuara muajin e kaluar për 15 herë është më i vogël në krahasim me shatorin e vitit të kaluar, kur filloi të ndiqet kjo dukuri.
"Njëmbëdhjetë mjekë janë vonuar tre apo më shumë herë, më shumë se një orë në terminin e parë të caktuar. Në shtator, kur filluam me këtë aktivitet kemi pasur 162 raste të këtilla. Kjo flet për uljen drastike të numrit të mjekëve të cilët vonohen në termin e parë të caktuar", tha Todorov.
Qëllimi, siç potencoi, është me ashpërsimin e kritereve shtesë ta reduktojmë këtë dukuri e cila ndikon në mënyrë negative në tërë sistemin shëndetësor, i prek pacientët të cilët janë lënë të presin para derës së mbyllur të mjekut. Këtë dukuri duhet ta parandalojmë.
Sipas të dhënave të sistemit "Termini im" muajin e kaluar dy ose më shumë se dy herë, më shumë se një orë janë vonuar 31 mjekë. Në mesin e tyre më së shumti janë mjekë nga Spitali i përgjithshëm Gostivar, gjashtë, Spitali klinik Manastir, Spitali i përgjithshëm Ohër dhe Poliklinika "Jane Sandanski" nga tre dhe Spitali i përgjithshëm i qytetit "8 Shtatori" dhe Klinika universitare për radiologji, vetëm dy mjekë.
Në një pjesë të institucioneve shëndetësore publike në shtet nuk ka asnjë mjek i cili është vonuar në këto korniza kohore, dy herë më shumë se një orë. Këtu bëjnë pjesë 31 shtëpi shëndeti dy stacione shëndetësore, Likovë dhe Hekuranë. Todorov i ndau Shtëpia e shëndetit Vallandovë, 3D Vinicë dhe 3D Prilep.
Sipas tij, është e mirë situata e 26 klinikave universitare, në mesin e të cilave e ndau Klinikën universitare për kardiokirurgjinë shtetërore ku aspak nuk ka vonesa, si edhe te gjashtë ente dhe 13 spitale.
Anulimin pacientët mund ta bëjnë duke u paraqitur në numrin e telefonit 15 444 apo me dërgimin e mesazhit SMS në numrin 144 194 me përmbajtje numrin e udhëzimit. Ekipi i sistemit "Termini im" rregullisht dërgon SMS mesazhe deri te pacientët për përkujtimin për terminet e caktuara.
"Të dhënat e sistemit 'Termini im' tregojnë përmirësim. Anulimi i termineve muajin e kaluar është për 8 për qind më i madh në krahasim me muajin maj. Në qershor janë anuluar gjithsej 25.668 termine, ndërsa në muajin maj janë anuluar gjithsej 23.806 termine", tha Todorov.
|