RDM: Votim elektronik i diasporës si pilot projekt për tërë shtetin

Shkup, 30 korrik 2015 (MIA) - Kryetarja e RDM-së Liljana Popovska dhe nënkryetari i Diasporës së Bashkuar Maqedonase, Aleksandar Mitreski në takimin e sotëm biseduan për mënyrën e votimit të diasporës dhe ndryshimet në Kodin Zgjedhor me të cilat, siç theksohet në kumtesë, do të mundësohet qasje reale për votim të çdo shtetasi të regjistruar të Maqedonisë.

RDM-ja çdoherë është angazhuar për votimin e diasporës dhe mbetet në këtë qëndrimit dhe konsideron se votimi më racional dhe i drejtë i diasporës do të mundësohet me votim elektronik. Me të, siç theksohet, do të sigurohet pjesëmarrje më e madhe e diasporës në procesin zgjedhor dhe njëkohësisht ulje e shpenzimeve.

Partia propozon që votimi elektronik i diasporës këtë herë të zbatohet edhe si pilot-projekt për tërë Republikën e Maqedonisë dhe përgatitje për disa zgjedhje të ardhshme kur do të ndërtojmë institucione të fuqishme dhe të pavarura.