Në 24 orët e fundit zjarre në Staro Nagoriçane dhe RamanliKumanovë, 31 korrik 2015 (MIA) - Rreth dy hektarë bari i thatë, hamullore dhe 30 ballë kashtë janë djegur gjatë një zjarri që ka shpërthyer dje në afërsi të fshatit Obllavce, në komunën Staro Nagoriçane. Këtë e deklaroi komandanti i Njësisë territoriale të zjarrfikësve - Staro Nagoriçane, Oliver Stojmanovski.
"Zjarri është lokalizuar në orën 13:40 me një automjet të zjarrfikësve dhe dy zjarrfikësve, ndërsa në shuarje janë përfshirë dhe banorët e shtëpive të rrethit", tha Stojmanovski.
Zjarri ka ndodhur në sipërfaqen në afërsi të rrugës rajonale Kumanovë-Kriva Pallankë. Në rajonin e Kumanovës dje është regjistruar vetëm një zjarr, në fshatin Ramanli ku ishte djegur hamullorja.
Zjarrfikësit e Kumanovës kanë intervenuar një orë pas mesnate deri nëm orën 02:20 me tre zjarrfikës dhe një automjet të zjarrfikësve.
|