"Oktoberfest" në ShkupShkup, 2 tetor 2015 (MIA) - Ambasadorja gjermane në Maqedoni, Kristine Althause dhe drejtori i Odës Ekonomike të Gjermanisë në RM, Martin Knap mbrëmë e hapën "Oktoberfestin" e 9-të tradicional të shoqatës ekonomike të Maqedonisë dhe Gjermanisë në Shkup.
Siç njofton përfaqësia e ekonomisë gjermane në Maqedoni, rreth 1.300 mysafirë janë kënaqur nën tendat e mëdha në ngjyrat blu e bardhë të Oktoberfestit dhe Bavarisë, duke degustuar sallam të kuq, pulë të pjekur, mish derri, të përgatitura në mënyrën tradicionale bavareze.
Manifestimin e hapën ambasadorja Althauser dhe drejtori Knap në mënyrë tradicionale në të cilën hapet edhe Oktoberfest në Munih - me çekan druri e thyen kapakun e fuçisë me birrë me shprehjen "О'zapft is" (kapaku është hapur).
Sipas ambasadores Althauser, organizimi i "Oktoberfest" në Shkup është shndërruar në traditë. "Kjo ngjarje është me rëndësi të madhe për qytetin e Shkupit, është e rëndësishme për bashkëpunimin si në planin ekonomik ashtu edhe në planin kulturor midis dy vendeve tona", tha Althauser.
Në shtator të vitit të ardhshëm "Oktoberfest" do ta shënojë jubileun 10-vjeçar.
|