Bisedat finale për ligjdhënien zgjedhore në Klubin e deputetëveShkup, 6 tetor 2015 (MIA) - Në Klubin e deputetëve sot vazhduan bisedat për ndryshime të ligjdhënies zgjedhore në pajtim me marrëveshjen nga Përzhino. Në takim marrin pjesë përfaqësues të katër partive politike VMRO-DPMNE, LSDM, BDI dhe PDSH, ndërmjetësuesi evropian Piter Vanhaute, si dhe euroambasadori Aivo Orav.
Eksperti nga Belgjika Vanhaute para takimit shprehu pritje se deri në mesnatë ose deri në orët e hershme të mëngjesit do të arrihet marrëveshje. Gjithashtu pritet në takim të përfshihen edhe liderët e partive.
Paraprakisht në deklaratë për mediat lideri i LSDM-së Zoran Zaev konfirmoi se është thirrur të marrë pjesë në takim.
Në bisedat sot marrin pjesë Nikolla Poposki, Nikolla Todorov dhe Silvana Boneva si dhe përfaqësuesit e VMRO-DPMNE-së, ndërsa Damjan Mançevski, Oliver Spasov dhe Cvetanka Ivanova nga LSDM.
Nga partitë shqiptare të pranishëm janë Artan Grubi nga BDI-ja dhe Imer Aliu nga PDSH-ja.
Vanhauten sot para Klubit të deputetëve e pritën përfaqësueset e lobit të grave të Maqedonisë, të cilat i dorëzuan dokumenta me kërkesë deri te të gjithë pjesëmarrësit në negociata për rritjen e kuotës së grave në Kodin zgjedhor. Ato kërkojnë 40 për qind të politikanëve të jenë gra, duke i përfshirë në zgjedhjet për kandidatë për kryetarë komune dhe funksionet e tjera.
|