Filloi trajnimi i 660 kandidatëve të rinj për nëpunës policorëShkup, 7 tetor 2015 (MIA) - Në Qendrën për trajnime të kuadrove pranë Ministrisë së Punëve të Brendshme në Idrizovë prej sot filloi trajnimi njëvjeçar i 660 kandidatëve për nëpunës policorë të cilët u selektuan pas shpalljes së publikuar për pranim të 600 nëpunësve policorë, i cili u publikua më 10 korrik të vitit 2015.
Siç dihet në konkursin e publikuar më 10.07.2015 për pranim të 600 ushtruesve në vendin e punës "policë" u paraqitën rreth 3.000 kandidatë, qëndron në kumtesën e sotme të MPB-së. Kandidatët, theksohet, u zgjodhën pas përfundimit të disa fazave të kontrolleve sipas parimit të kualifikimit.
Janë përfshirë testim i aftësive fizike të kandidatëve të paraqitur, pastaj testime psiko-arsimore dhe kontrolle shëndetësore. Me këta kandidatë, theksohet në kumtesë është nënshkruar marrëveshje për trajnime thelbësore për policë në kohëzgjatje prej një viti duke filluar nga 07.10.2015.
|