Ndihmë italiane për UNHCR-në dedikuar për refugjatëtShkup, 11 nëntor 29015 (MIA) - Qeveria italiane miratoi kompensim të veçantë në para në vlerë prej 250.000 euro për UNHCR-në, me qëllim që t'i mbështesë përpjekjet e Republikës së Maqedonisë në përballjen me krizën vijuese të shkaktuar nga fluksi i madh i refugjatëve të cilët vijnë kryesisht nga Lindja e Afërt, përmes rrugës së të ashtuquajtur "Korridori ballkanik", kumtoi sot Zyra për marrëdhënie me opinionin e Ambasadës së Italisë në Shkup.
"Ky kontribut i cili do të realizohet përmes agjencisë qeveritare Kooperacione Italiana (Cooperazione Italiana), është konfirmim i marrëdhënieve të shkëlqyeshme bilaterale dhe shtohet në ndihmën tani më të realizuar të Qeverisë italiane të ndarë para disa javëve në Kryqin e Kuq të Maqedonisë, përmes Federatës ndërkombëtare të Kryqit të kuq dhe Gjysmëhënës së Kuqe", shtohet në kumtesë.
Ndihma, siç thuhet në kumtesë, është orientuar drejt përparimit të qendrave ekzistuese të pranimit dhe transite në dobi të refugjatëve dhe migrantëve, veçanërisht duke e pas parasysh fluksin e madh ditor të njerëzve të cilët arrijnë në Maqedoni dhe aktivitetet e nevojshme përgatitore në prag të kushteve të ardhshme dimërore (të ashtuquajtura "winterization").
|