Tre të zhdukur në fatkeqësinë me helikopter në Greqi

Athinë, 11 shkurt 2016 (MIA) - Një helikopter ushtarak grek me tre anëtarë të ekuipazhit, i cili merret pjesë në stërvitje ushtarake, mbrëmë është zhdukur nga radari, pas çka mbetje të fluturakes më vonë janë gjetur në afërsi të ishullit të vogël Kinaros në pjesën lindore të Detit Egje, lajmëroi korrespondenti i MIA-s nga Athina.

Ministria greke e Mbrojtjes kumtoi se ende është në rrjedhë operacioni për gjetjen e tre anëtarëve të ekuipazhit.

Shkaqet për fatkeqësinë ende nuk dihen.

Ministri grek i Mbrojtjes Panos Kamenos, i cili qëndron në Bruksel, pritet sot të kthehet në Athinë.

Sipas disa burimeve, tre anëtarë të ekuipazhit e humbën jetën, por zëvendësministri i Mbrojtjes, Dimitris Vicas tha se nuk mund të shprehë ngushëllime, sepse trupat ende nuk janë gjetur.