Migrantë nga Idomeni janë munduar të hyjnë në MaqedoniGjevgjeli, 10 prill 2016 (MIA) - Tre grupe refugjatësh mirë të organizuar nga kampi i egër në rajonin kufitar grek Idomeni, sor rreth orës 01:30, janë munduar ilegalisht ta kalojnë kufirin e Maqedonisë me Greqinë në tre vende të ndryshme nga guri kufitar 59 drejt fshatit Moin, deklaruan për MIA-n nga QMK rajonale në Gjevgjeli, ndërsa informatën e konfirmoi edhe udhëheqësi i QTP Gjevgjeli, Zoran Llazarovski.
"Tre grupe migrantësh të cilët një kohë më të gjatë kanë qëndruar në kampin e paligjshëm në Idomeni të përbërë prej 500 deri në 700 njerëz, njëkohësisht kanë tentuar që ilegalisht ta kalojnë kufirin duke e dëmtuar rrethojën mbrojtëse në tre vende nga guri kufitar 59 drejt Moinit. Me intervenimin në kohë të forcave tona të sigurisë të cilët përdorën shok bomba dhe bomba me gaz, si dhe me intervenimin e policisë greke, grupet janë penguar në qëllimet e tyre dhe ishin kthyer sërish në kampin në Idomeni", tha Llazarovski.
Për momentin situata në kufi që e mbrojnë forcat e përforcuara të policisë dhe armatës është stabile dhe e qetë, ndërsa refugjatët janë kthyer në kampin në Idomeni.
|