Jakimovski: Jemi të befasuar nga vendimi i Ivanovit

Shkup, 13 prill 2016 (MIA) - Lideri i Obsionit Qytetar për Maqedoninë, Stevço Jakimovski sot në konferencë për shtyp theksoi se si parti janë të befasuar nga vendimi i presidentit Gjorge Ivanov.

"Është tmerruese që ky vendim sillet në momentin kur kemi qeveri jofunksionale teknike, Parlament të sshpërndarë, ndërsa me vendimin e këtillë presidenti e rrezikon institucionin e vetëm me rëndësi vitale. Është e dukshme se dikush ka kryer presion tejet të madh ndaj presidentit të shtetit në mënyrë që ai ta sjellë vendimin e këtillë. Dilema është nëse presioni ndaj Ivanovit është kryer nga "ombrella", pasi që panë se Zoran zaev nuk është zgjidhja e vërtetë për zbatimin e skenarit të tyre?", pyeti Jakimovski.

Sipas tij, me vendimin, Ivanov i ka shpallur politikanët si qytetarë të rendit të parë. Nga GROM konsiderojnë se secili që ka kryer krim, pa marrë parasysh nëse është nga pushteti apo nga opozita, duhet të përgjigjet për veprimet e veta.