Shkup, 14 prill 2016 (MIA) - Para Kuvendit të Republikës së Maqedonisë filloi protesta kundër vendimit të presidentit Gjorge Ivanov që të falë 56 politikanë dhe funksionarë. Protestuesit brohorisin "Dorëheqje" dhe "Nuk ka drejtësi, nuk ka paqe".
Kërkojnë lirim urgjent dhe hedhje poshtë të akuzave kundër të gjithë të arrestuarve nga protestat e mbrëmshme, ngrirje të procesit për mbajtjen e zgjedhjeve më 5 qershor dhe formim të Qeverisë eksperte, e cila do të organizojë zgjedhje korrekte, demokratike dhe të besueshme. Në protestë është prezent edhe lideri i LSDM-së, Zoran Zaev.
Për dallim prej mbrëmë, kur protesta e organizuar nga iniciativa qytetare "Protestoj" filloi para ndërtesës së SPS-së, protestuesit sot drejtpërdrejtë u tubuan para Kuvendit.