SHGM kërkon lirimin e Zoran Bozhinovskit

Shkup, 25 prill 2016 (MIA) - Shoqata e gazetarëve të Maqedonisë (SHGM) sot përmes një kumtese kërskoi nga organet gjyqësore që ta lirojnë Zoran Bozhinovskin, i cili është një nga të dyshuarit në rastin "Spiuni".

"Kolegu Bozhinovski më 7 nëntor 2013 u arrestua në Novi Sad me fletëarrest nga Interpoli, si një nga të dyshuarit në rastin 'Spiuni' me akuzë për shoqërim kriminel, spiunazhë dhe shantazh sipas Kodit penal të Maqedonisë dhe prej atëherë ndodhej në paraburgim ekstradues. Për shkak të pamundësisë që në Maqedoni t'i mundësohet proces i drejtë gjyqësor dhe për shkak të ndjekjes politike, Bozhinovski ndërkohë kërkoi azil në Republikën e Serbisë. Ai e priste vendimin nga liria, por edhe krahas insistimeve të shoqatave të gazetarëve të të dy vendeve autoritetet serbe t'i japin azil Bozhinovskit ato ia refuzuan kërkesën dhe ai më datën 21 të këtij muaji në mënyrë shumë të shpejtë u ekstradua në vend dhe është arrestuar", thuhet në kumtesë.

Sipas SHGM-së, bëhet fjalë për akuzë të montuar politike kundër Bozhinovskit.