Ministria e Transportit dhe Lidhjeve: Remenski të lejojë të nënshkruhen listat për banesat sociale

Shkup, 16 maj 2016 (MIA) - Ministria e Transportit dhe Lidhjeve sot bëri thirrje, siç theksohet në kumtesë, ministrja teknike Frosina Tashevska-Remenski tu sqarojë familjeve sociale se pse nuk mund t'i marrin çelësat nga banesat që ua ka ndarë shteti.

"Në vend që fajin për mosndarjen e banesave sociale t'ia hedhë dikuj tjetër, ministrja teknike e Punës dhe Politikës Sociale Remenski, publikisht të dalë dhe të sqarojë 76 familjeve sociale nga Prilepi, 25 familjeve nga Demir Hisar dhe 18 familjeve sociale nga Resnja, pse nuk mund t'i marrin çelësat nga banesat që shteti ua ka ndarë, dhe të mos fshihet pas kumtesave partiake nga Kabineti i saj", theksohet në kumtesën nga Ministria të publikuar si reagim ndaj kumtesës së MPPS-së.

Ministria e Transportit dhe Lidhjeve i bën thirrje Tashevska Remenskit, siç shkruan, të mos e keqpërdorë pozitën dhe të lejojë të nënshkruhen listat përfundimtare që të munden këto familje më në fund të futen në banesa.