Thaçi: Pas vendimit të Gjykatës Kushtetuese qëndron marrëveshja mes VMRO-DPMNE-së dhe BDI-së

Shkup, 18 maj 2016 (MIA) - Kryetari i Partisë Demokratike Shqiptare (PDSH) Menduh Thaçi deklaroi se pas vendimit të sotëm të Gjykatës kushtetuese "qëndron marrëveshja mes VMRO-DPMNE-së dhe BDI-së".

"Të mos jemi shumë optimistë. Pas këtij vendimi të gjykatësve kushtetues qëndron marrëveshja mes VMRO-DPMNE-së dhe BDI-së. Qëllimi i tyre është të kthehet qeveria e vjetër VMRO-DPMNE dhe BDI. Kjo nuk ka logjikë", deklaroi Thaçi, duke iu përgjigjur pyetjes gazetareske pas takimit me zëvendësndihmës sekretarin shtetëror për Evropë dhe Azi në Departamentin e Shtetit Hojt Brajan Ji, i cili qëndron për vizitë në Maqedoni.

Thaçi vlerësoi se vendimi për kthimin në funksion të Kuvendit duhej të ishte rezultat i marrëveshjes së katër partive politike, nënshkruese të Marrëveshjes së Përzhinës.

Lideri i LDSM-së vlerëson se duhet urgjentisht të fillojnë bisedimet dhe të katër partitë politike të marrin vendime të përbashkëta.