Ali Ahmeti: Amerika është mike e shqiptarëve

Shkup, 18 maj 2016 (MIA) - Kryetari i Bashkimit Demokratik për Integrim, Ali Ahmeti përmes një postimi në Fejsbuk, ka thënë se Shtetet e Bashkuara të Amerikës janë vend mik i Maqedonisë, rajonit dhe i shqiptarëve në përgjithësi.

"Sot kisha kënaqësinë të takoj Hojt Ji, zëvendësndihmës sekretar i Shtetit, me të cilin diskutuan shumë hapur dhe të sinqertë mbi krizën e thellë politike në vend si dhe për mënyrat se si ta tejkalojmë këtë vështirësi.

Hojt Ji shprehu vlerësime të larta për rolin tonë konstruktiv në tejkalimin e krizës bashkë me pritshmëritë e tij për të ardhmën e afërt dhe perspektivën Euroatlantike, ndërsa unë falënderova SHBA-të për gjithë ndihmesën në këtë proces dhe shpreha zotimin tonë për ti zbatuar reformat në përputhje me pritjet e komunitetit ndërkombëtar.", shkruan Ahmeti në Fajsbuk.