PDSH-ja ngushëllon Qeverinë turkeTetovë, 29 qershor 2016 (MIA) - Lideri i PDSH-së Menduh Thaçi ka dërguar telegram ngushëllimi kryetarit të Republikës së Turqisë, Rexhep Tajip Erdogan, kryeministrit të Republikës së Turqisë, Binali Yëldërëm dhe ambasadorit të Turqisë në Republikën e Maqedonisë, Omur Sholendil.
"Me keqardhje të thellë pranuam lajmin për sulmin e tmerrshëm terrorist dhe viktimat që pësuan në aeroportin e Stambollit. Sulmi ndaj civilëve të pafajshëm dhe përdorimi i dhunës nga kushdo dhe për çfarëdo arsye është i papranueshëm dhe i dënueshëm. Në emër të Partisë Demokratike Shqiptare dhe në emrin tim personal, më lejoni të Ju shpreh ngushëllimet tona të sinqerta dhe të solidarizohemi me dhimbjen e Juaj, të familjarëve të viktimave dhe të plagosurve të tjerë. Në këto moment të vështira mendimet dhe lutjet tona janë me Ju dhe me popullin Turk", shkruan në telegram ngushëllimin e kryetari i Partisë Demokratike Shqiptare, Menduh Thaçi.
|