LSDM-ja kërkon përgjegjësi nga kompetentët për përmbytjet në ShkupShkup, 29 gusht 2016 (MIA) - LSDM-ja sot kërkoi përgjegjësi nga ish kryeministri Nikolla Gruevski, kryetari i qytetit të Shkupit, Koce Trajanovski dhe ministri i Punëve të Brendshme Mitko Çavkov për përmbytjet në rajonin e Shkupit më 6 gusht.
"Do të përgjigjen pse kanë lëshuar në përdorim një rrethrrotullim të rrezikshëm, pse nuk i kanë paralajmëruar banorët në kohë për katastrofën, pse nuk i kanë pastruar kanalet dhe shtretërit, pse nuk e kanë ndërprerë komunikacionin drejt rajonit të rrezikshëm", tha zëdhënësi Petre Shilegov.
Sipas LSDM-së, në vitin 2009 është lëshuar në përdorim rrethrrotullimi, ndërsa nuk është siguruar mbrojtje nga përmbytjet, ndërkaq gjatë motit të ligë është dërguar apel deri te banorët të mos dalin nga shtëpitë dhe automjetet dhe nuk janë dërguar policë trafiku, të cilët në kohë do t'i ndalonin shoferët të mos qarkullojnë drejt rrethrrotullimit.
|