Ministrat Ameti dhe Ademi në defilinë me biçikleta në Shkup

Shkup, 22 shtator 2016 (MIA) - Ministri i Mjedisit Jetësor dhe Planifikimit Hapësinor Bashkim Ameti dhe zëvendes ministri për Çështje Evropiane Arbër Ademi do t’i bashkangjiten defilesë me biçikleta, e cila do të fillojë në ora 11:00 para Portës „Маqedonia“.

Çiklistat do të qarkullojnë nëpër rrugët: Porta e Maqedonisë - rr. 11 Tetori - rr. Shën Cirilli dhe Metodi - bul. Shën Klimenti i Ohrit - bul. Aradhat partizane - rr.Nikolla Parapunov - bul. Ilinden - Guaca, Parku i qytetit. 

Defileja me biçikleta do të përfundojë te Guaca në Parkun e qytetit në ora 11.30, ku vijon programi zbavitës me shfaqjen e muzikantëve të rrugës, ndërsa shumë fitues me fat përmes lotarisë do të fitojnë biçikleta, si simbol i shfrytëzimit të mjeteve transportuese alternative.