Kiracoski: Paraqitje anonime të parregullsive me procesin zgjedhor në dzm-mioa.mk

Shkup, 27 shtator 2016 (MIA) - Të gjithë të punësuarit në sektorin publik do të mund publikisht ose në mënyrë anonime të paraqesin problem, keqpërdorime, parregullsi lidhur me procesin zgjedhor, por edhe të informohen për të gjitha çështjet lidhur me punën përmes ueb faqes dzm-mioa.mk, paralajmëroi sot zëvendësministri plotësues i Shoqërisë Informatike dhe Administratës Aleksandar Kiracoski.

"Të gjithë së bashku duhet të bëjmë që zgjedhjet e parakohshme parlamentare të caktuara për më 11 dhjetor ta pasqyrojnë disponimin e vërtetë të qytetarëve. Për këtë qëllim fuqishëm jam i bindur që t'i mbroj të punësuarit në administratën shtetërore dhe publike nga presionet, shantazhet, kërcënimet që kryhen ndaj tyre. I porosis secilit që ka ndërmend ta bëjë këtë, të mos gabojë, sepse penalisht do të përgjigjet", porositi Kiracoski.

Paralajmëroi se vazhdojnë me kontaktet dhe komunikimet personale përmes zyrës së tij në Ministrinë e Shoqërisë Informatike dhe Administratës, si dhe se ashpër do të sanksionohet secili do të guxojë të zbatojë interesa të ngushta partiake përmes keqpërdorimeve të të punësuarve.