Takim i Spasovskit me ambasadorin e Izraelit Dan OrjanShkup, 28 shtator 2016 (MIA) - Ministri i Punëve të Brendshme, Oliver Spasovski sot mbajti takim pune me ambasadorin e Izraelit, Dan Orjan.
Nga MPB njoftojnë se bashkëbiseduesit e kanë potencuar bashkëpunimin e shkëlqyer të deritanishëm midis dy vendeve dhe kanë shprehur bindje për vazhdimin dhe thellimin e tij.
"Ministri Spasovski dhe ambasadori Orjan këmbyen mendime për sfidat me të cilat ballafaqohen dy vendet, me ç'rast në veçanti janë potencuar kanosjet dhe rreziqet e mundshme nga terrorizmi dhe kriza e emigrantëve. Ambasadori Orjan përsëriti se Izraeli e shfaq gatishmërinë për t'i ndihmuar Maqedonisë gjatë ballafaqimit me të gjitha sfidat", theksohet në kumtesën e MPB-së.
Bashkëbiseduesit kanë biseduar edhe për zgjedhjet e ardhshme parlamentare të MPB-së në përgatitjen dhe zbatimin e tyre. Spasovski ka potencuar se është e domosdoshme zgjedhjet të jenë korrekte dhe demokratike, ndërsa Qeveria e ardhshme të përbëhet prej politikanëve të ndershëm dhe të pakorruptuar.
Ambasadori Orjan ka potencuar se Izraeli do të bashkëpunojë me qeverinë e cila do të zgjidhet në zgjedhje demokratike dhe të ndershme.
|