Të dyshuarit për "Arkën" janë thirrur për t'u marrë në pyetje në GjykatëShkup, 30 shtator 2016 (MIA) - Gjatë ditës në Gjykatën Themelore Shkup, për t'u marrë në pyetje duhet të paraqiten katër të dyshuarit për lëndën e PSP-së "Arka".
"Gjykatës nga Sektori i procedurës paraprake duke vepruar rreth dy propozimeve - propozimin pë përcaktim të masës së paraburgimit kundër një personi dhe propozimi për përcaktim të masës së kujdesit kundë tre personave, i Prokurorisë Publike për ndjekje të veprave penale të cilat dalin dhe janë të lidhura me ndjekjen e komunikimeve (PSP), lidhur me lëndën e njohur në opinion si "Arka", u dërguan ftesa palëve dhe personave të përfshirë me propozimet dhe caktuan marrjen e tyre në pyetje që duhet të kryhet gjatë ditës", informojnë nga Gjykata.
Lënda "Arka" ka të bëjë me krim ekonomik që ka të bëjë me keqpërdorim të mjeteve nga Buxheti i Republikës së Maqedonisë për çka janë të dyshuar tre persona udhëheqës në DSK dhe një person udhëheqës në Ministrinë e Punëve të Brendshme, lidhur me furnizimin e pajisjes elektronike-komunikative dhe trajnim për përdorimin e saj nga ndërmarrja nga Britania e Madhe për nevojat e drejtorisë së 5-të pranë DSK-së.
|